Бүгүн муус устар 11 күнүгэр кинигэ сүрэхтэниитин кытта тэҥҥэ биир дойдулаахтарбыт, бииргэ үөрэммит кыргыттар, дьүөгэ кыргыттар 75 саастарын туолар үөрүүлээх түгэннэрин бэлиэтээтилэр. Свешникова Татьяна Васильевна төрөөбүт дойдутугар 45 сыл доруобуйа харыстабылыгар үтүө суобастаахтык, бэриниилээхтик үлэлээбит, Горохова Наталья Васильевна «Дүпсүн» совхоз Чэриктэй отделениятын өр сылларга тыа-хаһаайыстыбатын сайдыытыгар, араас үлэлэргэ кыһамньылаахтык үлэлээбит дьоммутун нэһилиэк баһылыга Фёдор Альбертович үөрүүлээх быһыыга эҕэрдэ суруктары туттарда. Ону тэҥэ дьүөгэлэрэ, аймахтара истиҥ тыллары анаатылар, бэлэхтэрин туттардылар.
Саамай үөрүүлээх түгэнинэн буолла Бороҕонтон айаннаан кэлбит коммунист Партия сэкэрэтээрэ Варвара Семеновна Тордуянова Наталья Васильевнаҕа «За выслуги перед партией КПРФ» уордьанын туттарда. Наталья Васильевнаҕа үрдүк наҕараадаҕа тиксибиккинэн өссө төгүл эҕэрдэлиибит!
