Бүгүн о.э. Муус устар 12 күнүгэр Сандал сааһы көрсө «Дорообо, сандал саас» кыһыны атаарыы бырааһынньыкпыт бэрт сэргэхтик буолан ааста. Бары кыттааччылар, көрөөччүлэр төһө да тымныы буоллар кэлэн үөрэн-көтөн, тарҕастылар.
Тэрилтэлэринэн күрэх буолла. Уопсайа 4 тэрилтэ кэлэн кытынна.
Тэрилтэлэр сандал саас кэлбитинэн музыкальнай номерынан эҕэрдэлээтилэр. Тэрилтэнэн күрэххэ 3 эр киһи уонна 3 чүөчэ кытыннылар.Тыҥааһыннаах күрэх түмүгүнэн «Эрэлчээнэ» уһуйаан коллектива 1 миэстэни ылла,2 миэстэни «Администрация» коллектива ситистэ, 3 бочуоттаах миэстэ «Оскуола» коллектива.
Биирдиилэн күрэхтэр:
«Хаатыҥка быраҕыытыгар» 1 миэстэни ылла Любомира Дмитриева, 2 миэстэ Уйгулаана Свешникова уонна 3 миэстэни ылары ситистэ Анжелика Карманова.
«Ыараханы соһуу» күрэҕэр кыайыылааҕынан таҕыста Федор Лукачевскай, 2 миэстэ Петр Сивцев уонна 3 миэстэни ылары ситистэ Василий Румянцев.
Алын кылаас оҕолоругар «мээчик быраҕыыта» күрэҕэр 1 миэстэни ылары ситистэ Игнат Карманов, 2 миэстэ Эрчим Оконешников уонна 3 миэстэ буолла София Казарян.Уонна кырачаан кыттааччыларбытыгар Милена Оконешниковаҕа уонна Амелия Румянцеваҕа сэмэй бэлэхтэрбитин туттардыбыт.
Оскуола уолаттарыгар «Куулунан саайсыы» күрэҕэр 1 миэстэни ылла Валера Румянцев, 2 миэстэ Попов Костя уонна 3 миэстэҕэ таҕыста Сандал Ушницкай.
Бырааһынньыкпытыгар кыттыбыт дьоннорбутугар, тэрилтэ салайааччыларыгар барҕа махталбытын тиэрдэбит!!!
