Бүгүн муус устар 18 күнүгэр нэһилиэкпит эр дьоно, күүстээх субуотунньукка тахса сырыттылар. Анал байыаннай дьайыы уолаттарын дьонугар мас эрбэтэн хайытан киллэрдилэр. Чэриктэй эр дьоно бу сааскы чаҕыл күн түмсүүлээҕин көрдөрдө!
Кэрэ аҥардарбытыгар кулууп үлэһиттэрэ уонна социальнай үлэһит Варвара Николаевна Аал уотка ас астаан, эмис эттээх борщ буһаран эр дьону эбиэт бириэмэтигэр мааны остуол тардан аһатан уолаттар махталлара муҥура суох!
Чэриктэй уолаттара, аҕа саастаахтыын, эдэрдиин, кэрэ аҥардыын куруутун хайа да балаһыанньаҕа бииргэ түмсүүлээх буоларбыт хайҕабыллаах суол! Биһиги күүспүт Түмсүүгэ сытар!
