Бүгүн, ахсынньы 1 күнүгэр «Кыһын Саха сириттэн саҕаланар бэстибээл»чэрчитинэн үгэскэ кубулуйбут харыйа уота Чэриктэй нэһилиэгэр умайда. Саҥа Дьыл кэлиитин оҕо аймах үөрэ көрүстэ. Оҕоҕо Саҥа Дьыл ордук кэтэһиилээх, алыптаах буолар. Нэһилиэкпит харыйатын уотун Тымныы оҕонньор сиэнэ кыыһынаан, Куобахчаан уонна Бирээнньик кэлэн уматтылар, оонньоттулар. Нэһилиэкпит баһылыга Федор Альбертович Карманов кэлэн иһэр Саҥа Дьылынан эҕэрдэлээтэ. Тымныы оҕонньор оҕолорго кэһиитин имбиирнэй бэрээнньиктэри бэлэхтээтэ. Бары харыйа тула хороводтаатыбыт. Ол кэнниттэн бырааһынньыктааҕы салютунан түмүктэннэ. Оҕолор төһө да тымныы күн буоллар үөрэн-көтөн дьиэлэригэр тарҕастылар. Барыгытын кэлэн иһэр Саргылаах Саҥа Дьылынан! Үлэҕэ-үөрэххэ ситиһиини, чэгиэн доруобуйаны, дьоллооз олоҕу баҕарабыт!
