Уруй буоллун — кыайыы күнэ! Өспөт сүппэт кэриэс күнэ! Айхал буоллун ! Ыам ыйын 9 күнүгэр Чэриктэй нэһилиэгэр Улуу Кыайыы Өрөгөйдөөх 80 сылын көрсө ӨЙДҮҮБҮТ! СҮГҮРҮЙЭБИТ! МАХТАНАБЫТ!
Тэрилтэлэр, оскуола оҕолоро, уһуйаан оҕолоро кыттыылаах парад, «Өлбөт-сүппэт полк» сэлэлээн хаамыыта буолла. Парады салайан ыытта Лена Ефремовна Лугинова. «Сэрии толоонугар охтубут буойуттар» паматынньыкка гирлянда ууруута, мүнүүтэлээх иһийии, миитин буолла. Нэһилиэкпит баһылыга Федор Альбертович Карманов уонна нэһилиэкпит бочуоттаах олохтоҕо Мария Егоровна Иванова Улуу Кыайыы 80 сылынан эҕэрдэлээтилэр.
«Удьуор ситимэ» сквергэ нэһилиэкпит баһылыга Федор Альбертович Карманов тыыл ветераныгар Варвара Андреевна Соловьеваҕа, сэрии кэмин оҕолоругар анаан эҕэрдэ тыл уонна бэлэхтэрин туттарда. Агафья Николаевна уонна Александр Дмитриевич Гороховтарга Саха Республикатын дьиэ кэргэн союһун «Матери Защитника Отечества» уонна «Отцу Защитника Отечества» диэн мэтээлинэн наҕараадаланнылар. Александр Дмитриевич Всероссийскай «отец солдата» диэн наҕараада ылла. Тэрилтэ салайааччылара тыл этэн сэрии кэмин оҕолоругар бэлэхтэрин туттартаатылар, сэриигэ охтубут буойуттарга анаан. Монумеҥҥа кыһыл гвоздика дьөрбөтө ууруллунна, Кыайыы күнүн уруйдаан Виктор Федорович Афанасьев-Алданскай аатын сүгэр Чэриктэй орто оскуолата Улуу Кыайыы 80 сылыгар аналлаах строевой хаамыыларын саҕалаатылар. Онтон үөрэнээччилэр эҕэрдэ кэнсиэрдэрин көрдөрдүлэр. Ол кэннэ нэһилиэк эҕэрдэ кэнсиэрэ буолла. Кэнсиэр кэннэ нэһилиэкпит аҕам саастаахтарыгар анаан бырааһынньык остуола тэриллиннэ.
