Бүгүн олунньу 22 күнүгэр Чэриктэй нэһилиэгэр Аҕа дойдуну көмүскээччилэр күннэригэр аналлаах «Эр санаа» уордьан кавалера, анал байыаннай дьайыы кыттыылааҕа Горохов Айаал Александрович аатын үйэтитэр иккис төгүлүн остуол тенниһин күрэҕэ ыытылынна. Быйылгы күрэхтэһиигэ Найахы, Мындаба, Майаҕас, Хомустах нэһилиэгиттэн улахан дьон уонна оскуола оҕолоро кэлэн кыттыыны ыллылар.
Уус Алдан улууһугар остуол тенниһин бэрэсэдээтэлэ Евгений Павлов кэлэн күрэхтэһээччилэри кытта көрсөн, тыл этэн барда.
Уопсайа үс группанан оонньуу барда:
— 18 саастарыттан үөһэ
— Ветераннарга 55 саастарыттан үөһэ
— Оскуола оҕолоро
Ол курдук күрэх түмүгүнэн оҕолорго кыайыылааҕынан таҕыста Рохан Попов (Хомустаах) иккис миэстэ буолла Ефим Павлов (Мындааба), үһүс миэстэҕэ таҕыста Костя Бичиганов (Хомустаах). Бэтэрээн эр дьоҥҥо бастакы миэстэ Иван Васильевич Румянцев (Найахы) иккис миэстэ Алексей Дмитриевич Охлопков (Найахы), уонна үһүс миэстэни ылары ситистэ Дмитрий Егорович Шелковников (Чэриктэй).
18 саастарыттан үөһэ эр дьоҥҥо бастакы миэстэни ылары ситистэ Константин Копырин (Хоро)
Иккис миэстэ Илья Федоров (Чэриктэй), үһүс миэстэ Николай Замятин (Хомустах) Ону таһынан оскуола оҕолоругар «Перспективный игрок» анал ааты ылла Айысхан Бочкарев, «Приз зрительских симпатий » анал ааты ылла Косиор Чабыкин. Онтон бэтэрээннэргэ «Приз зрительских симпатий» анал ааты ылла Иннокентий Иннокентиевич Сивцев (Чэриктэй), «За верность к настольному теннису» анал ааты ылла Сергей Николаевич Горохов.
Күрэх кэнниттэн кыайыылаахтарга аналлаах абсолютнай оонньуу буолла, онно кытыннылар Рохан Попов (Хомустах), Иван Румянцев (Наяхы), Константин Копырин (Хоро). Абсолютнай оонньуу га кыайыылааҕынан таҕыста Константин Копырин (Хоро).
Бириистэри туруорбут спонсордар, Айаал Александрович төрөппүттэрэ, бииргэ төрөөбүттэрэ, чугас аймах дьоно, бииргэ үөрэммит оҕолоро, чугас доҕотторо, Федор Альбертович, администрация.
Бары кыттыбыт уолаттарга харчынан бириистэр туттарылыннылар, кыайыылаахтар, мэтээллэринэн, статуэткаларынан, кубоктарынан уонна сыаналаах бириистэринэн наҕараадаланнылар.
Күрэхтэһии бэрт тыҥааһыннаахтык, сытыы киирсиилэри көрдөрөн бэрт сэргэхтик ааста, спортсменнар бары кыайыылыыга дьулуурдара, бэлэмнээхтэрэ, көһүннэ. Бары көмөлөспүт, кыттыбыт дьоммутугар барҕа Махтал тылларын аныыбыт. Баҕарабыт үөрэххэ-үлэҕэ ситиһиилэри, доруобуйаны, олоххут суола мэлдьи сырдык, инникигит кэскиллээх буоллун!
