Бүгүн, алтынньы 29 күнүгэр «Ахтан-санаан ааһыахха, Комсомол көхтөөх кэмнэрин» диэн комсомол күнүн көрсө аҕам саастаах дьоммутугар тэрээһин буолан ааста. «Эдэр сааспыт Комсомол» диэн викторина күрэҕэр бастакы миэстэни ылла Мария Иванова, иккис миэстэ Николай Ларионов, үһүс миэстэ буолла Розалия Горохова. Комсомол тиэмэтигэр пазл хомуйуу күрэҕэр Мария Иванова кыайда. «Дартс» күрэҕэр Михаил Бочкарев кыайыылааҕынан таҕыста. Комсомол кэминээҕи билиэттэрин, значоктарын, былааттарын иилинэн кэлбиттэр. Итии чэйдээх остуол тула олорон урукку кэми ахтан-санаан сэһэргэстилэр, бэйэ-бэйэлэрин эҕэрдэлэстилэр, ырыа ыллаатылар, үҥкүүлээтилэр, үөрэн- сэргэхсийэн тарҕастылар.
