Бүгүн сэтинньи 28 күнүгэр «Арчы» балаҕан дьиэтигэр «Олоҥхо» уонна «Хомус» декадатын чэрчитинэн «Мин саха оҕотобун» диэн тэрээһин буолан ааста. Күрэххэ Чэриктэй орто оскуолатын улахан сүһүөх оҕолоро «Эрчимэн бэргэн» олоҥхоттон Олоҥхо дьоруойдарын уонна олоҥхо дойдуларын көстүүлэрин фетртан сыһыаран панно оҥордулар. Онтон «Туйаарыма Куо» уонна «Ньургун Боотур» уобарастарын кылаастан биирдии паара толору таҥнан-симэнэн көрдөрдүлэр. 5-6 кылаас оҕолоро «Эрчимэн Бэргэн» олоҥхотуттан быһа тардан толорон иһитиннэрдилэр. Нэһилиэкпит библиотекэрэ Анастасия Дмитриевна Лукачевская Уус-Алдан олоҥхоһуттарын уонна нэһилиэкпит биллэр олоҥхоһуттарын сырдатта. Сахалыы остуол оонньуутунан тэрээһиммит түмүктэннэ.
