Бүгүн,о.э балаҕан ыйын 25 күнүгэр Уус -Алдан улууһун Дьоруойдарын күнэ . Чэриктэй нэһилиэгэр Уус Алдан киэн туттар Дьоруойдарын сырдык ааттарыгар дириҥ махталы уонна ытыктабылы бэлиэтиир уот уматан, сибэкки дьөрбөтүн уурдубут.Эйэлээх олох иһин олохторун толук уурбут уонна сыралаах үлэлэрин анаабыт улуу дьоннорбут ааттара өрүү умнуллубат!
Кинилэр хорсун быһыылара уонна үтүө ааттара үйэлэргэ уостубат уот буолан сүрэхпитигэр сырдыы туруоҕа!Геройдар күннэригэр анаммыт үөрүүлээх миитиҥҥэ нэһилиэк олохтоохторо,оскуола оҕолоро кэлэн, пааматынньыкка хорсун саллааттарбыт сырдык ааттарын үйэтитэн, махтал бэлиэтинэн умуллубат уот,кыһыл гвоздика сибэкки дьөрбөтүн уурдубут. Чэриктэй орто оскуолатын учуутала Свешников Н.Н.ахтыы онордо.Онтон нэһилиэкпит түмэлигэр библиотекарь Лукачевская А.Д.дьоруойдар тустарынан сырдатта.
Уус Алдан сирэ-уота үйэлэр тухары саха норуотун киэн туттар Дьоруойдарын үүннэрэн-иитэн таһаарбыт ытык сир буолар! Сэрии да, үлэ да толооһугар улуу убайдарбыт уонна эдьиийдэрбит көрдөрбүт хорсун быһыылара, сыралаах үлэлэрэ үйэлэргэ умнуллубат.
